IP ولا أنالوج HD؟
كاميرات IP تنقل الصورة عبر كيبل شبكة وتعطيك جودة أعلى ومزايا ذكية أكثر، وهي المطلوبة في اشتراطات كثير من المنشآت التجارية. كاميرات الأنالوج HD تشتغل على كيبل كواكسيال (كيبل الدش)، وتكون أوفر وتنفع لتحديث الأنظمة القديمة بدون تغيير التمديدات.
كم دقة أحتاج؟
كل ما زادت الدقة (2 ميجا، 4 ميجا، 8 ميجا 4K) تشوف تفاصيل أكثر مثل الوجوه ولوحات السيارات من مسافة أبعد، لكنها تحتاج مساحة تخزين أكبر. في المداخل والمواقف تفرق الدقة العالية، وفي الممرات الداخلية تكفي دقة أقل.
التصوير بالليل
كاميرات الأشعة تحت الحمراء تصوّر أبيض وأسود في الظلام. الكاميرات الملونة بالليل تعطيك ألوان واضحة، وتفيدك إذا تبي تعرف لون سيارة أو لبس شخص.
وين أحط الكاميرات؟
- المدخل الرئيسي وباب الحوش
- الأسوار والزوايا
- المواقف
- الباب الخلفي والسطح
- في المحلات: المدخل والكاشير والمستودع
وانتبه لخصوصية الجيران: لا توجّه الكاميرا على بيوتهم.
كم يحفظ التسجيل؟
يعتمد على عدد الكاميرات ودقتها ونوع التسجيل (مستمر أو عند الحركة) وحجم الهارديسك. ضغط H.265 يقلل المساحة المطلوبة بشكل واضح مقارنة بـ H.264. في المعاينة نحسب لك السعة اللي تكفي المدة اللي تبيها.
الربط بالجوال
جهاز التسجيل يحتاج إنترنت (راوتر قريب أو كيبل شبكة)، وبعدها تشوف البث والتسجيلات من تطبيق Hik-Connect أو DMSS. وغيّر كلمة المرور الافتراضية دايماً.
انقطاع الكهرباء
جهاز UPS صغير يخلي جهاز التسجيل والكاميرات شغالة وقت انقطاع الكهرباء.
أسئلة سريعة
هل كاميرات الواي فاي تكفي؟
تنفع لكاميرا أو ثنتين داخل البيت، لكن للأسوار والمواقف والمحلات الأفضل كاميرات سلكية مع جهاز تسجيل لأنها أثبت وتسجل حتى لو فصل النت.
كم كاميرا تحتاج الفيلا؟
يعتمد على عدد المداخل والأسوار والمواقف. نحدد العدد والأماكن معك وقت المعاينة المجانية.